मावळा ग्रुपची यंदाची गडकोट मोहीम किल्ले पुरंदर- अध्यक्ष आकाश माने
यंदाचे गडकोट मोहीमेचे चौथे वर्ष! मोहिमेत महिला, व पुरुषांना सहभागी होण्याचे आवाहन!
निपाणी नगरी प्रतिनिधी (2)
निपाणी व परिसरातील नागरिकांमध्ये छत्रपती शिवाजी महाराज छत्रपती संभाजी महाराज या सारख्या थोर लढवय्या महापुरुषांचा इतिहास समजावा, गडकोटांबद्दल आदर निर्माण व्हावा यासाठी निपाणी मावळा ग्रुप गेली चार वर्ष गडकोट मोहिमा आयोजित करत आहे. यावर्षी मावळा ग्रुपची चौथी गडकोट मोहीम असून ही मोहीम निपाणी ते किल्ले पुरंदर अशी पार पडणार आहे. या मोहिमेत महिला पुरुष सहभागी होऊ शकतात, अशी माहिती मावळा ग्रुपचे अध्यक्ष आकाश माने यांनी दिली.
यावेळी खजिनदार राहुल सडोलकर भाटले यांच्यासह संचालक संजय चिकोडे, हेमंत चव्हाण, संदीप जाधव, विनायक खवरे, सागर खांबे, राहुल पाटील, पृथ्वीराज घोरपडे, इरफुल गव्हाणे, सुशांत कांबळे उपस्थित होते. आकाश माने पुढे म्हणाले की, मावळा ग्रुप गेली चार वर्षे निपाणी सह परिसरामध्ये सामाजिक क्षेत्रात काम करण्याचा प्रयत्न केला आहे. प्रतिवर्षी महिला, बालचमु व पुरुषांना गडकोट मोहीम घडवणे हा उपक्रम हाती घेतला आहे. मागील तीन मोहिमांना निपाणी व परिसरातील नागरिकांनी प्रचंड प्रतिसाद दिला आहे. पहिल्या वर्षी मोहीम किल्ले प्रताप गड व रायगड येथे पार पडली होती. यानंतर किल्ले सज्जनगड व किल्ले राजगड अशी मोहीम पार पडले तर तिसऱ्या वर्षी वढू बुद्रुक, लेण्याद्री व किल्ले शिवनेरी अशी मोहीम पार पडली. यावेळी महिला, शिवप्रेमी युवक मोठ्या संख्येने शिवप्रेमी सहभागी झाले होते.
गडकोटावर जाऊन तेथील इतिहास जाणून घेणे, स्वच्छता मोहीम राबवणे, मर्दानी खेळांची प्रात्यक्षिके करणे, त्या सोबत व्याख्यानाच्या माध्यमातून शिवछत्रपतींचा इतिहास सर्वदूर पोहचवणे असे कार्य मोहिमेत सुरू असते. यावर्षी चौथी गडकोट मोहीम आयोजित करण्यात आली असून ही मोहीम किल्ले सिंहगड किल्ले मल्हारगड व किल्ले पुरंदर अशी पार पडणार आहे, त्यामुळे मागील तीन मोहिमांना ज्या पद्धतीने शिवप्रेमींनी प्रतिसाद दिला. त्याचप्रमाणे प्रतिसाद द्यावा असे आवाहन त्यांनी यावेळी केले.
या मोहिमेत महिलाही सहभागी होत आहेत. गेल्यावर्षी महिलांची संख्या लक्षणीय असल्याने मावळा ग्रुपच्या कार्याला अधिक प्रेरणा मिळाली आहे. यावर्षी जास्तीत जास्त महिलांना गडकोट दर्शन घडवणे हा हेतू आहे त्यामुळे महिलांनी आवर्जून या मोहिमेत सहभागी व्हावे.
मोहिमेत सहभागी होणाऱ्या प्रत्येक मावळ्यांना ग्रुप कडून पोशाख, प्रवासाची व भोजनाची व्यवस्था करण्यात येत असते त्याचबरोबर गडावर व्याख्यानाचा कार्यक्रम आयोजित करण्यात येतो
