निपाणी येथील माधुरी मेस्त्री यांना आयडियल वुमन पुरस्कार प्रदान!
निपाणी नगरी प्रतिनिधी (11)
निपाणी येथील वृत्त निवेदिका कुमारी माधुरी नंदकुमार मेस्त्री यांना कृती फाउंडेशन कोल्हापूर यांच्या वतीने आदर्श महिला हा पुरस्कार प्रदान करण्यात आला आहे. प्रत्येक मुलीमध्ये भविष्यातील एक आदर्श महिला जन्माला आलेली असते आणि यामुळेच यावर्षीचा आयडियल वुमन म्हणजेच आदर्श महिला हा पुरस्कार माधुरी मेस्त्री यांना देण्यात आला आहे. जागतिक महिला दिनाचे औचित्य साधून कृती फाउंडेशन कोल्हापूर यांच्यावतीने कोल्हापूर येथील छत्रपती शाहू स्मारक भवन येथे 8 मार्च 2025 रोजी सायंकाळी सहा वाजता महिला सुसंवाद या कार्यक्रमांमध्ये हा पुरस्कार सोहळा समारंभ संपन्न झाला. कृती फाउंडेशनचे अध्यक्ष, श्री प्रशांत चुयेकर यांनी या कार्यक्रमाचे आयोजन केले होते. यावेळी प्रमुख पाहुणे म्हणून नम्रता चौगुले नायब तहसीलदार, सौ पल्लवी सागर यादव सहाय्यक पोलीस निरीक्षक, अनुराधा भोसले अवनी संस्था कोल्हापूर, सेवानिवृत्त शिक्षक जी आर पाटील कोल्हापूर , प्रसिद्ध वक्ते प्रमोद हर्षवर्धन, अहर्तिक योगी, विजय दीक्षित हे प्रमुख पाहुणे म्हणून उपस्थित होते. प्रमुख व्याख्याते अरविंद खैरे यांच्या व्याख्यानाने रसिक प्रेक्षक मंत्रमुग्ध झालेले यावेळी पाहायला मिळाले, माधुरी मेस्त्री यांनी शालेय जीवनापासून वकृत्व स्पर्धेत विविध बक्षीसे संपादन केली असून जिल्हास्तरीय ,राज्यस्तरीय या स्पर्धेत त्यांनी पारितोषिक मिळवलेले आहे वकृत्वाच्या जोरावर अनेक ठिकाणी निवेदिका म्हणून काम केले असून आजही त्या विविध वृत्त वाहीनीसाठी वृत्त निवेदिका म्हणून काम करत आहेत.
पुरस्कार स्वीकारताना त्यांच्यासोबत त्यांच्या मातोश्री श्री वसुधा नंदकुमार मेस्त्री या उपस्थित होत्या या कार्यक्रमांतर्गत समाजामध्ये विशेष कार्य करणाऱ्या महिलांना हा पुरस्कार देऊन महिला दिनानिमित्त कृती फाउंडेशन यांच्यावतीने सन्मानित करण्यात आले कार्यक्रमाची सूत्रसंचालन तेजस्विनी पांचाळ यांनी केले होते.
