निपाणीच्या गोरक्षण सेवा समितीच्या गोरक्षकांना मिळाले मोठे यश!
कागल येथे गोरक्षकांकडून दोन टना हून अधिक गोमांस जप्त!
निपाणी नगरी प्रतिनिधी (29)
कोल्हापूर बेळगाव राष्ट्रीय महामार्गावरून सदर बाजार मार्गे कोल्हापूर येथून गोमांस घेऊन जात आहे. यांची गोपनीय माहिती श्री विरुपाक्षलिंग समाधी मठाचे प.पू.प्राणलिंग स्वामीजी यांना एका गोभक्ताकडून मिळाली होती. की गाडी क्रमांक MH-42 M 6224 या बोलोरो पिकअप गाडी मधून 2 टन गोमासांची बेकादेशीररित्या वाहतूक होत आहे अशी माहिती मिळाली. यावेळी लागलीच गोरक्षण सेवा समितीचे प्रमुख सागर श्रीखंडे यांना सूचना देवून कागल कडे पाठवून दिले. यावेळी गोरक्षण सेवा समिती कागल, येथील ओंकार त्रिगुणे, व गोरक्षकांनी राष्ट्रीय महामार्गा शेजारी कागल येथील अशोका हॉटेलच्या समोर सापळा रचून ही गाडी पोलिसांच्या मदतीने रात्री 10- 30 वाजता जप्त केली.
यावेळी गोरक्षण सेवा समिती तर्फे कागल पोलीस स्टेशनचे पोलीस निरीक्षक गजेंद्र लोहार यांनी संपर्क करून मदती साठी विनंती केली यावेळी पोलिस निरीक्षकांनी मदतीसाठी पोलिसांची तुकडी पाठवून दिली. यावेळी गाडी चालक आतीक मदार बेपारी याच्यावर कागल पोलीस स्टेशन येथे गुन्हा नोंद करण्यात आला. यावेळी पुढील तपासणी साठी गोमांस कागल येथील पशु अधिकारी प्रतीक पुरी गोसावी यांनी पुणे येथे पाठवून दिले. जप्त केलेले गोमांस नष्ट करण्यासाठी कागल नगरपालिकेने कचरा डेपो येथे जेसीबी ने खड्डा खोदून व केमिकल टाकून जप्त केलेल्या गोमासांची विल्हेवाट लावण्यात आली.
ही कारवाई करतेवेळी गोरक्षण सेवा समितीचे गोरक्षक समरजीत जाधव, अथर्व करंजे, सोहम किंकर, प्रेम त्रिगुणे, पार्थ जाधव, केतन कदम, विशाल मर्दाने,अथर्व कस्तुरे, प्रवीण खंबाळे, गुरुप्रसाद पोकले, सागर कोळेकर, या गोरक्षकांनी ही कारवाई यशस्वी केली. कारवाई मध्ये कागल नगर परिषदेचे मोलाचे सहकार्य मिळाले. यावेळी गोरक्षण सेवा समितीच्या वतीने गोभक्त व गोसेवकांना आवाहन करण्यात आले की कुठल्याही प्रकारे गोमांसाची बेकायदेशीर वाहतूक होत असेल तर जवळच्या पोलीस स्टेशनला किंवा गोरक्षण सेवा समितीच्या गोरक्षकांना कळवावे असे आवाहन करण्यात आले.
