मुरगूड विद्यालयाच्या वसतिगृह मोफत प्रवेशाचे आवाहन!
प्राचार्य एस .पी. पाटील- मागासवर्गीय प्रवर्गातील विद्यार्थ्यांना संधी! शासनाच्या सोयी सुविधांचा फायदा घ्या!
निपाणी नगरी प्रतिनिधी (7)
शिक्षण प्रसारक मंडळ कोल्हापूर संचलित मुरगुड विद्यालय ज्युनियर कॉलेज मुरगुडच्या महात्मा गुरुकुल शासन मान्य विद्यार्थी वस्तीगृहा मध्ये शैक्षणिक वर्ष सण 2025 -2026 साठी इयत्ता पाचवी ते बारावी पर्यंतच्या गोरगरीब होतकरू आणि मागासवर्गीय विद्यार्थ्यांना मोफत प्रवेश देण्यात येणार आहे. तरी संबंधित विद्यार्थ्यांनी प्रवेश घ्यावा असे आवाहन प्राचार्य एस .पी. पाटील व वस्तीगृह अधीक्षक निलेश शिंदे यांनी केले आहे.
अनुसूचित जाती, विमुक्त भटक्या जाती, विशेष मागास व आर्थिक दृष्ट्या मागासवर्गीय या प्रवर्गातील विद्यार्थ्यांना हा प्रवेश पूर्णपणे मोफत असून प्रवेश घेतलेल्या विद्यार्थ्यांना मोफत भोजन व इतर शासना मार्फत पुरविण्यात येणाऱ्या सर्व सुविधा पुरवल्या जातात प्रवेश मर्यादित असल्याने इच्छुकांनी कार्यालयीन वेळेत संपर्क साधण्याचे आवाहन करण्यात आले आहे.
