निपाणी नगरी वृत्तसेवा..(13)
“श्रीनिकेतन व शांतिनिकेतन विद्यालयांचे वार्षिक स्नेहसंमेलन उद्या १४ फेब्रुवारी रोजी होणार संपन्न. श्री महावीर दिगंबर जैन बोर्डिंग ट्रस्ट, निपाणी संचलित संस्थांचा संयुक्त सोहळा श्री वेंकटेश मंदिरात”….
निपाणी नगरी प्रतिनिधी : श्री महावीर दिगंबर जैन बोर्डिंग ट्रस्ट, निपाणी संचलित श्रीनिकेतन मराठी माध्यम शाळा व शांतिनिकेतन मराठी माध्यम हायस्कूल, निपाणी (ता. निपाणी, जि. बेळगावी) यांच्या संयुक्त विद्यमाने वार्षिक स्नेहसंमेलन २०२५–२६ चे आयोजन करण्यात आले आहे. हा कार्यक्रम शनिवार दिनांक १४ फेब्रुवारी २०२६ रोजी सकाळी १०.०० वाजता श्री वेंकटेश मंदिर, गांधी चौक, निपाणी येथे संपन्न होणार आहे.
विद्यार्थ्यांच्या सर्वांगीण विकासाला चालना देणाऱ्या या स्नेहसंमेलनात विविध सांस्कृतिक कार्यक्रम, कलाविष्कार आणि गुणवंत विद्यार्थ्यांचा सत्कार होणार आहे. विद्यार्थ्यांच्या कलागुणांना व्यासपीठ मिळावे व त्यांच्या यशाचे कौतुक व्हावे, या उद्देशाने हा सोहळा आयोजित करण्यात आला आहे. पालक, हितचिंतक व नागरिकांनी सहकुटुंब उपस्थित राहून विद्यार्थ्यांच्या पाठीवर कौतुकाची थाप द्यावी, असे आवाहन संस्थेच्या वतीने करण्यात आले आहे.
कार्यक्रमासाठी प्रमुख पाहुणे म्हणून माननीय श्री महावीर देवगोंडा पाटील, संचालक, श्री पार्श्वनाथ ब्रह्मचर्य आश्रम, स्तवनिधी उपस्थित राहणार आहेत. कार्यक्रमाच्या अध्यक्षस्थानी माननीय श्री कपूरचंद इंगळे, चेअरमन, श्री महावीर दिगंबर जैन बोर्डिंग ट्रस्ट, निपाणी हे विराजमान राहणार आहेत.
संस्थेचे सर्व ट्रस्टी, संचालक मंडळ, मुख्याध्यापिका, शिक्षकवृंद, शिक्षकेतर कर्मचारी, विद्यार्थी-विद्यार्थिनी व पालक वर्ग यांच्या उपस्थितीत हा सोहळा उत्साहात पार पडणार आहे. निपाणी शहरातील शैक्षणिक व सांस्कृतिक क्षेत्रासाठी हा कार्यक्रम एक प्रेरणादायी पर्व ठरणार आहे.
About The Author
