पुणे : जिल्ह्यातील सर्व न्यायालयात उद्या शनिवारी (दि. 11 डिसेंबर) रोजी राष्ट्रीय लोक अदालतीचे आयोजन करण्यात आले आहे.
या लोक अदालतीत 90 हजार 500 दाखल पूर्व प्रकरणे तडजोडीसाठी व 53 हजार प्रलंबित प्रकरणे ठेवण्यात आलेली आहे. तसेच यावेळी चलनाद्वारे तडजोडीची व दंडाची रक्कम भरण्याची व्यवस्था करण्यात आली आहे.
आपली प्रलंबित प्रकरणे सामंजस्याने व नागरिकात आपसात तडजोडीने मिटवण्यासाठी लोकअदालत घेण्यात येत आहे याचा नागरिकांनी लाभ घ्यावा असे आवाहन जिल्हा विधी प्राधिकरणाचे अध्यक्ष संजय देशमुख यांनी केले आहे.
