ताज्या घडामोडी
मावळ पंचायत समिती उपसभापती दत्तात्रय शेवाळे यांचे सदस्यत्व रद्द ; भाजपला धक्का
वडगाव मावळ : येथील मावळ पंचायत समितीचे सभापती दत्तात्रय शेवाळे यांचे सदस्यत्व रद्द झाले आहे. जिल्हाधिकाऱ्यांनी पक्षांतरबंदी कायदा अंतर्गत सदस्यत्व रद्द केल्याने भाजपला दणका बसला आहे.
यासंदर्भात राष्ट्रवादीचे गटनेते साहेबराव कारके यांनी तक्रार केली होती. पंचायत समितीत भाजपचे 6 व राष्ट्रवादीचे 4 असे संख्याबळ आहे. सभापती व उपसभापती पदाच्या निवडणूक प्रसंगी राष्ट्रवादीचे गटनेते कारके यांनी पक्षाच्या सदस्यांना व्हिप बजावला होता. परंतु व्हिपचा भंग करून शेवाळे यांनी पक्षाच्या विरोधात भूमिका घेतल्याने कारके यांनी दत्तात्रय शेवाळे यांच्या विरोधात तक्रार दाखल केली. सदस्यत्व रद्द करण्याची मागणी केली होती.
यावर जिल्हाधिकारी देशमुख यांनी आदेश दिल्यामुळे भाजपला मोठा धक्का बसला आहे.