वायसीएम रूग्णालयामध्ये राबविले जात आहे; व्यसनमुक्तीची कार्यशाळा ..

वायसीएम रूग्णालयामध्ये राबविले जात आहे; व्यसनमुक्तीची कार्यशाळा

आवाज न्यूज: गुलामअली भालदार,  चिंचवड १३

वायसीएम रूग्णालयातील सुरक्षारक्षक कर्मचार्यांसाठी विमल फौंडेशनच्या वतीने व्यसनमुक्ती समुपदेशन कार्यशाळा घेण्यात आली. दि.१ जून पासुन वायसीएमचे अधिष्टाता डॉ. राजेंद्र वाबळे यांनी तंबाखू व तत्सम अंमली पदार्थ मुक्त वायसीएम रूग्णालय करण्याच्या दिशेने ही कार्यशाळा आयोजित केली होती.

या व्यसनमुक्त समुपदेशन कार्यशाळेत तुषार शिंदे यांनी प्रार्थना घेऊन कार्यक्रमास सुरुवात केली. डॉ् निलिमा बोरकर यांनी तंबाखू व तत्सम अंमली पदार्थांचे शरीरावर होणारे दुष्परिणामांची शास्त्रीय माहिती देत कशा प्रकारे आज व्यसनामुळे अनेक शारीरिक आजार होतात हे विस्तृतपणे सांगीतले. व्यसनमुक्ती समुपदेशक व संस्था अध्यक्ष विल्यम साळवी यांनी व्यसनमुक्ती कशी शक्य आहे. याबद्दल माहिती दिली. आभार प्रदर्शन जयश्री जगताप यांनी केले.

या कार्यक्रमास ७५ सुरक्षारक्षक व महिला सुरक्षारक्षक ही उपस्थित होते. अनेकांनी आजपासुन तंबाखू सेवन न करण्याची ग्वाही दिली. वायसीएम रुग्णालयाचे अधिष्ठाता डॉ. राजेंद्र वाबळे व सुरक्षारक्षक अधिकारी संदिप बहिरवाल यांनी व्यसनमुक्ती समुपदेशन कार्यशाळेचे आयोजन केले होते. विमल फौंडेशनच्या वतीने हा कार्यक्रम पुढे सहा महिने टप्प्याटप्प्याने राबवला जाणार असल्याचे संस्थेचे विल्यम साळवी यांनी सांगितले.