पुस्तकी ज्ञानाबरोबर अंर्तभूत कलागुण ओळखून क्रीडा क्षेत्रातील खेळाडूंनी प्राबल्य मिळवावे – प्राचार्य डॉ. बाबासाहेब सांगळे
चिंचवड : चिंचवड येथील कमला शिक्षण संकुल संचलित प्रतिभा कॉलेज ऑफ कॉमर्स अॅण्ड कॉम्प्युटर स्टडीज आणि सावित्रीबाई फुले पुणे विद्यापीठाच्या, पुणे जिल्हा विभागीय क्रीडा समितीच्या संयुक्त विद्यमाने पुणे जिल्हा अंतर महाविद्यालयीन खो-खो मुलींच्या स्पर्धा चिंचवड येथील श्री शिवाजी उदय मंडळाच्या मैदानावर नुकतेच संपन्न झाल्या, यासाठी कमला शिक्षण संकुलाचे सचिव डॉ. दीपक शहा यांच्या विशेष पुढाकाराने स्पर्धा भरविण्यात आल्या.
यात अनुक्रमे खो-खो क्रीडा स्पर्धेत प्रथम क्रमांक इंदापूर येथील आर्टस, सायन्स अॅण्ड कॉमर्स महाविद्यालयातील खेळाडूंनी पटकाविला. द्वितीय क्रमांक तळेगाव येथील इंद्रायणी महाविद्यालयाने तर, तृतीय क्रमांक नारायणगाव येथील आर्टस कॉमर्स अॅण्ड सायन्स महाविद्यालयातील खेळाडूंनी पटकाविला. स्पर्धेत एकूण 9 संघांनी सहभाग घेतला.
स्पर्धेच्या उद्घाटन प्रसंगी प्रतिभा कॉलेज ऑफ कॉमर्स अॅण्ड कॉम्प्युटर स्टडीज महाविद्यालयाचे प्राचार्य डॉ. बाबासाहेब सांगळे बोलत होते.मैदानाचे पूजन एम.बी.ए.चे संचालक डॉ. सचिन बोरगावे यांनी श्रीफळ वाढवून केले. उद्घाटन समारंभाच्या वेळी व्यासपीठावरती पुणे जिल्हा क्रीडा समितीचे सहसचिव डॉ. ज्ञानेश्वर चिमटे, डॉ. भरत भुजबळ, प्रा. रावसाहेब गरड, मंडळाचे अध्यक्ष सदाशिव गोडसे उपस्थित होते. प्रतिभा कॉलेजचे क्रीडा अधिकारी डॉ. आनंद लुंकड यांनी नियोजन व सूत्रसंचालन केले. पाहुण्यांचा सत्कार व परिचय प्रा. पी.टी. इंगळे यांनी केले.
स्पर्धेत उत्कृष्ट खेळाडूंचा बहुमान इंदापूर येथील महाविद्यालयाची खेळाडू हर्षदा करे उत्कृष्ट खेळ करीत मिळविला. स्पर्धेत महाराष्ट्र संघाचे प्रतिनिधीत्व केलेले खेळाडूंनी विविध महाविद्यालयातून सहभाग नोंदविला. लवकरच पुणे जिल्हास्तरिय खेळाडूंनी निवड करण्यात येईल, डॉ. आनंद लुंकड यांनी सांगितले.
