जेजुरी शहर युवक काँग्रेसच्या अध्यक्षावर अट्रोसिटी ऍक्ट नुसार गुन्हा दाखल…

जेजुरी शहर युवक काँग्रेसच्या अध्यक्षावर अट्रोसिटी ऍक्ट नुसार गुन्हा दाखल

आवाज न्यूज: देहूरोड , प्रतिनिधी ३० सप्टेबर.

महिलेला जातीवाचक शिवीगाळ करत तिला धमकी देत तिचा विनयभंग करणाऱ्यावर देहुरोड पोलीस ठाण्यात अत्याचार प्रतिबंधक कायद्यानुसार गुन्हा दाखल कऱण्यात आला आहे.

हा प्रकार ७ सप्टेंबर रोजी देहुरोड येथे दुपारी १ च्या दरम्यान घडला होता.महिलेने दिलेल्या तक्रारीवरून जेजुरी शहर युवक काँग्रेसचे अध्यक्ष ईश्वर दरेकर (वय ३४ रा. पुरंदर) व ५२ वर्षीय त्यांच्या आईवर गुन्हा दाखल करण्यात आला आहे.

पोलिसांनी दिलेल्या माहितीवरून, फिर्यादी या देहुरोड येथील मैत्रिणीच्या घरी वाढदिवसासाठी आल्या होत्या. त्यावेळी आरोपी तेथे आले व त्यांनी सर्वांसमोर फिर्यादी यांना जातीवाचक शिवीगाळ करत अपमानीत केले.

तसेच फिर्यादी यांचा व्यवसाय बंद करण्याची व लग्न न होऊ देण्याची धमकी दिली.उपस्थित असणाऱ्या लोकांसमोर अश्लिल हातवारे करत फिर्यादी यांचा विनयभंग केला.

यावरून देहुरोड पोलीस ठाण्यात अट्रोसिटी ऍक्ट नुसार गुन्हा दाखल करण्यात आला असून पोलीस पुढील तपास करत आहेत.